Un mozo de Viveiro de 27 anos morreu este xoves despois de saír da vía co coche no que circulaba pola localidade lucense de Xermade.
O accidente ocorreu pasadas as cinco da tarde, á altura do lugar de Roupar, na estrada LU-540.
Segundo os datos recollidos polos equipos de emerxencia, o vehículo caeu a unha cuneta «bastante profunda» e envorcou, deixando o condutor atrapado no interior.
Testemuñas do accidente alertaron a emerxencias e indicaron que a vítima «non respondía a estímulos».
O condutor, que era o único ocupante do turismo, tivo que ser liberado polos bombeiros do parque comarcal de Vilalba, pero xa falecera no momento da intervención.