41
Os confinamentos a gran escala, así como «outras medidas non farmacéuticas», contribuíron a reducir con éxito a transmisión do coronavirus e a controlar a expansión da pandemia en Europa, evitando uns 3,1 millóns de mortes, segundo revela un estudo que publica a revista Nature.
A investigación, desenvolta polo Imperial College London do Reino Unido, efectúa estimacións sobre a redución da transmisión do virus a partir dunha comparación de datos de 11 países europeos, entre eles España, tomados ata principios do pasado maio.
Ata o 4 maio, os investigadores calculan que esas medidas poderían salvar ata 3,1 millóns de vidas neses países, mentres que a cifra en España sitúase ao redor dos 450.000, explican os seus autores.