Os bombeiros do parque provincial de Cee acudiron na mañá deste luns ata Vimianzo por un accidente de tráfico no centro urbano da vila no que se viron implicados dous vehículos e no que unha persoa quedou atrapada e ferida. O incidente tivo lugar no punto quilométrico 70 da AC-552. Os bombeiros axudaron a saír do vehículo á vítima, que só estaba algo atordada. Posteriormente procederon a limpar a estrada.
Un ferido tras un accidente de tráfico con dous vehículos implicados no centro urbano de Vimianzo
Foto: Bombeiros de Cee.