Un home de 31 anos de idade, veciño de Baralla, na provincia de Lugo, faleceu este xoves pola noite tras ser atropelado por un camión mentres rescataba unha furgoneta avariada na autovía A-6, ao seu paso polo termo municipal do Corgo.
Segundo informaron fontes da Garda Civil de Lugo, o aviso recibiuse sobre as 21.40 horas, á altura do punto quilométrico 475,500 da autovía A-6.
O home era condutor dun camión porta-vehículos e morreu atropelado por un camión articulado mentres rescataba a unha furgoneta avariada.