Un home de 70 anos morre ao caer cando podaba unha árbore no Pino

Un home duns 70 anos faleceu este venres ao caer mentres podaba unha árbore no lugar de Grandamil do concello coruñés do Pino. O accidente ocorreu arredor das catro da tarde. O home estaba subido nunha escaleira e cunha motoserra intentaba cortar unha póla. Por causas que se descoñecen, desequilibrouse e caeu da escaleira. A súa familia atopou o corpo sen vida. Os equipos de emerxencia que se trasladaron ao lugar só puideron certificar a súa morte.