31
A familia dun home avisou da súa desaparición cunha chamada ao 112 contra as 5 e media da tarde deste domingo. O home saíra da súa casa pola mañá a pescar na zona de San Vicente e non regresou.
Ata a zona onde podería estar dirixíronse a lancha Salvamar, o helicóptero Pesca 1 para a busca polo mar, por aire e por terra, axentes da Policía Local do Grove e da Garda Civil e membros de Protección Civil.
Na zona próxima ao xacemento arqueolóxico de San Vicente atoparon o vehículo do home desaparecido e a súa cana de pescar rota.