Trasladado en helicóptero ao caerlle unha árbore encima mentres podaba en Laza

Helicóptero medicalizado

Un home resultou ferido de consideración este luns en Laza despois de caerlle unha árbore encima mentres cortaba madeira nunha zona de monte no lugar de Correchouso.

Debido á gravidade das feridas, Urxencias Sanitarias de Galicia-061 mobilizou un helicóptero medicalizado ata a zona onde ocorreron os feitos e, finalmente, o home foi evacuado na aeronave ao Complexo Hospitalario Universitario de Ourense.

O accidente tivo lugar arredor das 14:30 horas da tarde e foi unha persoa particular quen alertou do sucedido ao 112 Galicia. Decontado, os xestores do CIAE 112 Galicia puxeron ademais a situación en coñecemento dos efectivos do GES de Laza e dos axentes da Garda Civil, que colaboraron no traslado do home ao helicóptero.