0
Os Bombeiros de Boiro, xunto cos membros do GES da localidade, moveron o vehículo agrícola para liberar a persoa, que xa estaba falecida.
A información sobre este suceso chegou ao 112 Galicia na tarde deste venres mediante a chamada de emerxencia dun familiar. Explicou que o home estaba debaixo do seu tractor nunha parcela da súa propiedade, situada na Rúa Castelao, en Barro.
Para prestar axuda, desde o 112, pediuse a colaboración dos profesionais de Urxencias Sanitarias de Galicia-061, dos Bombeiros de Boiro, dos membros do GES de Noia e dos axentes da Policía Local e Garda Civil.
Pola súa parte, os efectivos de emerxencias moveron o tractor, pero a persoa estaba xa falecida. Deste xeito, o equipo médico só puido confirmar o seu pasamento.