O suceso tivo lugar ás 17:40 horas deste martes no lugar da Piolla, na parroquia de Nantón. Foi o fillo do ferido quen contactou co 112 Galicia para alertar do ocorrido, indicando que o vehículo pasara por enriba do seu pai e que precisaba asistencia sanitaria urxente, xa que presentaba un corte de gran tamaño.
Tras recibir o aviso, desde o Centro Integrado de Atención ás Emerxencias 112 Galicia informouse ao Servizo de Urxencias Sanitarias de Galicia-061, que mobilizou o helicóptero medicalizado con base en Santiago de Compostela ata o punto. Ademais, alertouse aos Bombeiros de Carballo, ao GES de Ponteceso, así como á Garda Civil e á Policía Local.
Finalmente, o home foi evacuado ata o Hospital da Coruña para recibir atención médica.