- Durante a madruga deste sábado tamén ardeu outra vivenda en Figueiras, Santiago
As lapas dun incendio declarado nun inmoble situado na Aldea de Arriba, en Santa Marta, derruíron por completo a vivenda. Por sorte, a dona da mesma non se atopaba no interior, polo que non houbo que lamentar danos persoais.
A voz de alarma ao 112 Galicia produciuse preto das 19:30 horas deste venres. De inmediato se informou do suceso aos Bombeiros de Betanzos e aos efectivos de Protección Civil da localidade e de Betanzos. Tamén se alertou á Garda Civil e Policía local.
Os Bombeiros confirmaron a total extinción do lume ao fío das 21:30 horas. Polo de agora descoñécense as causas que o orixinaron.
Incendio nunha casa en Santiago
En Santiago, o 112 Galicia tamén tivo constancia esta madrugada dun incendio nunha vivenda no lugar de Xulacasa, en Figueiras. Segundo informaron os Bombeiros, a casa ardeu na súa totalidade.
Nada mais recibir a chamada dun particular, preto da 01:30 horas, os xestores do 112 pasaron aviso de inmediato aos Bombeiros de Santiago, á Policía Nacional, Local e aos efectivos de Protección Civil.