34
Un incendio declarado nun aeroxerador situado no parque eólico de Cabo Vilano, en Camariñas, provocou danos no interior da infraestrutura eólica sen que se rexistrasen danos persoais.
O 112 Galicia tivo constancia do lume a través dun operario ás 10:30 horas deste xoves. Decontado, os xestores do CIAE 112 Galicia pasaron o aviso aos Bombeiros de Cee, á Garda Civil, á Policía Local e á Agrupación de Voluntarios de Protección Civil de Camariñas.
Os servizos de emerxencia desprazados ao lugar sufocaron o incendio, que afectou aos cables eléctricos do interior do aeroxerador.