O incendio declarouse a primeira hora da tarde deste sábado nun ático da rúa Castelao, en Muxía. Ao parecer, o lume comezou nun enchufe e deseguida prendeu no resto do salón. Ante a rapidez do incendio, a propietaria do piso e unha a compañante, saíron da vivenda a alertaron os servizos de extinción. O fume xerado fixo que toda a veciñanza saíra tamén do edificio, aínda que o resto de vivendas non chegaron a verse afectadas polo lume. Os efectivos de Protección Civil de Muxía conseguiron apagar as lapas e os bombeiros de Cee, que tamén foron mobilizados, fixeron labores de arrefriamento e ventilación. Unha hora despois de declararse o lume os veciños puideron volver ás súas casas. O salón da vivenda incendiada sufriu danos importantes e o resto da vivenda viuse afectada polo fume.
Incendio en Buño
Ao lugar acudiron GES de Ponteceso, bombeiros de Carballo, Garda Civil e Protección Civil de Malpica. A estrutura do alpendre ardeu por completo e para acabar de sufocar o lume foi necesaria a axuda dunha escavadora para remover e retirar boa parte da madeira seca almacenada. A orixe do lume puido estar nunha grallada con muxicas mal apagadas que se realizou na contorna. A rápida intervención de veciños e propietarios do alpendre afectado logrou evitar que as chamas pasasen á casa, que estaba xusto de lado.