- O lume orixinouse nunha campá extractora sobre as 3:00 horas desta madrugada nun edificio de rúa Alcalde Liaño Flores
Este venres un home foi trasladado ao Hospital Clínico Universitario da Coruña despois de sufrir queimaduras nunha man ao producirse un incendio nunha vivenda, situada na rúa Alcalde Liaño Flores, na cidade da Coruña.
No incendio, declarado nunha vivenda dun edificio de 12 plantas, ardeu unicamente a campá extractora da cociña, iso si, toda a planta viuse afectada pola acumulación do fume provocado.
Foi un veciño quen, sobre as 3:00 h desta madrugada, alertou ao 112 Galicia. Indicaba que había un cheiro a queimado en todo o edificio e situaba o fume intenso entre as plantas 8 e 9 do inmoble.
Enseguida, desde o 112 Galicia pasouse aviso aos Bombeiros da cidade, que xa se atopaban no punto, tras ser alertados por unha muller que lles informara dun lume na cociña. Ademais, indicaron que tamén avisasen aos Servizos Sanitarios de Urxencia de Galicia-061, debido a que unha persoa sufrise queimaduras nunha man.
Os axentes da Policía Local e os efectivos de Protección Civil tamén foron informados dos feitos polo 112 Galicia.