Este mércores produciuse un incendio na novena planta do hotel Riazor, na Coruña. Segundo informaron desde o corpo de bombeiros, o lume iniciouse nun colchón da novena planta, onde estaba aloxado un hóspede. A pesar diso, non houbo que lamentar danos persoais. Os bombeiros e a Policía Local chegaron á zona e procederon a iniciar o dispositivo de emerxencia. A rúa Modesta Goicouría, que vai do Paseo Marítimo á praza de Pontevedra, foi cortada para que o vehículo de bombeiros puidese ocupar a calzada. Polo momento, non se coñece o alcance total dos danos nin as causas do incendio, pero non houbo que lamentar feridos. Foi unha persoa particular a que alertou a Emerxencias 112 Galicia. A partir de aí, desde o CIAE 112 Galicia informouse dos feitos a Urxencias Sanitarias de Galicia-061, aos Bombeiros da Coruña, á Policía Local e a Protección Civil.
20