Un incendio obriga a desaloxar un edificio en Malpica

Imaxe dun parque de bombeiros

Un lume nunha vivenda dun edificio do lugar da Camuza, en Malpica de Berganitños, obrigou ao desaloxo dos veciños do inmoble. O 112 Galicia foi informado, pasadas as tres e media da tarde, de que saía fume por unha fiestra e, de xeito inmediato, avisou aos Bombeiros de Carballo. Ata alí tamén se desprazou a Garda Civil, que desaloxou o edificio enteiro, e confirmoulle aos xestores do CIAE-112 que todos os veciños estaban ben e ninguén precisaba atención sanitaria. Finalmente, os Bombeiros deron por extinguido o lume, pasadas as cinco da tarde, e comunicáronlle ao 112 que resultou afectado un sofá dunha vivenda e tamén a instalación eléctrica do inmoble. Ademais, neste operativo, tamén participaron os membros do GES de Ponteceso e de Protección Civil de Malpica de Bergantiños.