O primeiro aviso por mor deste incendio chegou uns minutos antes das 18:30 horas deste luns ao 112 Galicia. Segundo o particular que informou, saía fume da fiestra dun piso na Avenida de Caión, sen que houbese ninguén no interior, polo que non houbo persoas afectadas.
Decontado, desde a Sala de Operacións do 112 Galicia puxéronse os feitos en coñecemento dos Bombeiros de Arteixo, da Policía Local e do Servizo Municipal de Protección Civil de Arteixo.
Logo da intervención, os bombeiros de Arteixo indicaron que ardera unha habitación, ademais dun armario e un aspirador, no que puido terse orixinado o lume. Tamén confirmaron que non houbera que lamentar danos persoais, aínda que si que foi preciso o desaloxo do edificio.