Un informe sobre os abusos sexuais cometidos no seo da Igrexa de Navarra revela 31 abusadores e 52 vítimas en 17 colexios. O informe, realizado pola Universidade Pública de Navarra foi presentado este venres en rolda de prensa. Os abusos cometéronse en centros educativos e en congregacións relixiosas. Entre os acusados hai un director de colexio, 21 profesores, un frade, dous sacerdotes e un conserxe. Aínda que o informe identificou a 52 vítimas, outras sete persoas ofreceron nos últimos días o seu testemuño.