O martes 9 de abril, o Salón de Gourmets de Madrid acollerá a final do VI Campionato de Tiraxe de Cervexa Estrella Galicia. Son 15 os finalistas para obter o honroso título de Mellor Tirador de Cervexa de España.
E alí estará un representante da Costa da Morte, como é Aarón Rodríguez Fidalgo, propietario da Taberna A Pracería en Laxe.
Fidalgo accede a esta final despois de participar en fases eliminatorias a nivel rexional, nas que participaron tanto hostaleiros como estudantes do sector.
Como premio os cinco finalistas gañarán o seu peso en cervexa. Repartiranse tamén máis de 2.000 euros en premios.