Un lume nunha secadora activa o protocolo de emerxencia en Carballo

Os feitos ocorreron pasados uns minutos das dúas da tarde deste mércores, o 112 Emerxencias Galicia deu a voz de alarma en comunicación directa cun particular que alertaba dun lume nun terceiro andar dunha vivenda na rúa Médico Manuel Regueiro en Carballo. Ao punto indicado desprazáronse os Bombeiros do Parque de Bértoa, que en cuestións de minutos deron o lume por localizado e a situación por controlada. Tratóuse, presuntamente, dun curtocircuíto nunha secadora, da que manaba abundante fume, ventilado o habitáculo e a vivenda, todo quedou nun susto. Ao lugar tamén acudiu en apoio unha dotación da Policía Local.