23
Un lume producido nunha cociña provocou danos importantes no primeiro andar dun edificio ubicado na Avenida Fernando Blanco de Cee. Afortunadamente, non se tivo que lamentar máis que danos materiais a pesar da cantidade de fume que este produciu, quedando asi libres de danos tamen as persoas que se atopaban nos andares superiores do edificio. Grande foi a labor dos Bombeiros do Parque de Cee, que alertados polo 112 Emerxencias Galicia realizaron as tarefas de extinción e ventilación da vivenda, así como o apoio ao resto de veciños e veciñas do edificio afectado. Policía Local e Protección Civil de Cee tamén colaboraron neste suceso, que creou unha grande expectación na vila da Xunqueira.