Un mozo carballés detido dúas veces en 48 horas por violencia de xénero

dpm.

Un mozo de Carballo, de pouco máis de 20 anos, foi detido por malos tratos dúas veces en menos de 48 horas. Primeiro agrediu a súa parella, de idade similar a súa, en Fisterra. A moza fora ata ese concello a pasar o día na praia e decidiu quedar pasar a noite.

De madrugada presentouse alí o rapaz e comezou a golpeala. Tras a denuncia presentada pola vítima ante a Garda Civil, ao presunto agresor impúxoselle unha orde de afastamento e a prohibición de se comunicar coa rapaza, cousa que non tardou en incumprir.

Por este motivo foi detido e levado ao xulgado por segunda vez. Mentres non se celebre o xuízo, deberá levar unha pulseira que indique por GPS a súa posición.