10
- O suceso produciuse sobre as 18:30 horas deste venres nun edificio da rúa Duque de Rivas.
- Ata o punto desprazáronse a Policía Nacional e Local, así como os profesionais sanitarios que atenderon ao mozo.
A Policía Nacional investiga como un posible caso de matricidio a morte violenta dunha muller de 61 anos en Vilagarcía de Arousa tras precipitarse o seu fillo desde un terceiro piso. O subdelegado do Goberno en Pontevedra, Abel Losada, indicou que a investigación apunta a que un mozo, de 22 anos, atacou á súa nai, de 61 anos, que foi atopada boca abaixo e «entre abundante sangue». O mozo, que sufriu lesións moi graves, atópase ingresado no Hospital do Salnés, custodiado pola Policía Nacional, en estado crítico. Abel Losada sinalou que, a expensas do resultado final das investigacións que se atopan nunha fase moi iniciais, pódese apuntar «con toda a prudencia» a que non hai participación de máis persoas neste suceso.