Un operario faleceu ao caerlle enriba un bloque de aceiro nun estaleiro en Vigo

Imaxe de arquivo dunha ambulancia do 061

Un traballador do estaleiro vigues Cardama morreu este xoves nun accidente laboral. O home caeulle enriba un bloque de aceiro de grandes dimensións e faleceu no momento, sen que bombeiros e servizos sanitarios puidesen facer nada pola súa vida. O operario era un peón de 42 anos que participaba na descarga dun camión, momento en que ese pesado bloque de metal lle caía enriba. Os xestores do 112 Galicia solicitaron a intervención de Urxencias Sanitarias de Galicia-061, dos Bombeiros de Vigo, da Policía Nacional, da Garda Civil e da Autoridade Portuaria. Os servizos sanitarios só puideron confirmar o falecemento do operario.