17
O home explicou que estaba liberado e accesible, pero que lle custaba respirar e tiña unha perna rota. Así o expresou a través dunha comunicación que os xestores do 112 Galicia estableceron co ferido despois de que pedise axuda aos profesionais médicos de Urxencias Sanitarias de Galicia-061. A vítima, veciño do concello de Arzúa, acabaría falecendo. Os feitos ocorreron ás doce do mediodía deste luns na parroquia de Xesteda. Coa información facilitada, ademais da dotación sanitaria, desde o 112 Galicia activáronse outros medios e recursos como os integrantes do Servizo Municipal de Emerxencias e os axentes da Garda Civil.