Esta tarde un operario tivo que ser trasladado en helicóptero medicalizado ata o Hospital Montecelo despois recibir un golpe mentres traballaba e quedar inconsciente. Os feitos tiveron lugar ás 16:00 horas, na parroquia de Padriñán, no concello pontevedrés de Sanxenxo.
O 112 Galicia tivo constancia dos feitos ao recibir unha chamada dos profesionais de Urxencias Sanitarias de Galicia-061, que solicitaban axuda para coordinar o traslado en aeronave do traballador ferido.
De inmediato, desde o Centro Integrado de Atención ás Emerxencias, pasouse aviso ao GES de Sanxenxo e aos axentes da Garda Civil e da Policía Local.