O suceso produciuse á última hora da mañá deste mércores. A embarcación denominada Novo María do Carme sufriu unha vía de auga cando estaba a faenar e rapidamente foi auxiliada por outra embarcación, o Borrasca II, que se atopaba nas inmediacións. Os feitos foron postos en coñecemento de Salvamento Marítimo a través da canle 16 de VHF e ao lugar foi enviada a Salvamar Altair con base no Porto de Camariñas. Trátase agora de determinar se o combustible do barco sinistrado podería causar algún tipo de contaminación no mar.