Os pilotos rusos de helicópteros de combate xogaron un importante papel na invasión de Ucraína. Ao parecer, non todos estaban de acordo co que facían. Este martes as autoridades ucraínas presentaron ante os medios ao que aseguran é o piloto ruso que desertou hai dúas semanas. Maksim Kuzminov explicou os motivos da súa decisión: non querer participar nos crimes de guerra cometidos polo seu país.
“Era plenamente consciente do que sucedía. Decidín eu mesmo que eso era un crime de guerra e que non participaría nel. Teño un avión en Rusia, un soldo relativamente bo, dous apartamentos, case unha pensión. Moitas cousas que me retiñan alí. Pero non me importa. O principal para min é non participar neses crimes”.
Kuzminov contou que convenceu aos outros dous membros da tripulación de que se rendesen, pero asustáronse e correron cara á fronteira despois de aterrar.
Explicou que está a pensar na posibilidade de unirse á aviación ucraína e que lle prometeron pagos baixo unha lei especial, nova documentación e seguridade para el e a súa familia.