A tormenta que se viña xestando nos últimos días estalou con forza na madrugada deste sábado sobre A Coruña e a súa área metropolitana. O aparello eléctrico xerado tamén provocou apagamentos no polígono da Grela. Testemuñas presenciais na zona sinalaban que un raio alcanzou a Torre de Hércules, apagando o faro. Con todo, media hora máis tarde volveu acenderse. Os lóstregos que foron intensos durante varias horas deixaron estampas espectaculares, aínda que poucos chegaron a tocar terra. Segundo datos de Meteogalicia, a maior parte deles caeron no mar.
