A Costa da Morte tremeu na tarde deste xoves debido a varios movementos sísmicos producidos na costa da comarca do Barbanza. Segundo o Instituto Xeográfico Nacional, ás 14:57 horas rexistrouse un terremoto de 3,7 graos na escala de Richter, producíndose un segundo sismo, neste caso alcanzando os 4,6 graos, ás 15:44 horas. Ambos tiveron o seu epicentro no océano Atlántico. Posteriormente rexistráronse outros dous máis pequenos: un de 1,9 ás 15:55 horas e outro de 2,5 graos tres minutos máis tarde.
O sismo máis forte sentiuse en case toda a Costa da Morte. Varias persoas de Muxía, Fisterra, Cee ou Zas sinalan que escoitaron un estrondo e, deseguido, visualizaron os movementos de mobiliario. Afortunadamente as sensacións duraron poucos segundos sen que se produciran danos materiais ou persoais.