21
O transatlántico AidaNova, que estivo o luns 27 de decembro na Coruña, permanece amarrado no porto de Lisboa con 52 positivos covid a bordo. Segundo informa o seu comandante, as persoas contaxiadas, todas vacinadas, son casos leves ou asintomáticos. O buque, de bandeira italiana, tiña previsto pasar a Noitevella en Funchal (A Madeira) e logo partir cara a Lanzarote. O 29 de decembro chegou á capital lusa con 1.353 membros da tripulación e 2.844 turistas, a maioría de orixe alemá. Nun primeiro momento detectáronse 14 contaxios entre a tripulación. Ao día seguinte, diagnosticáronse outros 38. En todo caso, o barco ten autorización para proseguir a súa viaxe.