32
Segundo a información facilitada ao 112 Galicia, o accidente mortal produciuse cando o varón estaba en compañía de outras dúas persoas nas proximidades do campo de fútbol. Foi un familiar quen chamou ao 112 para solicitar asistencia médica urxente para o home, que foi alcanzado por unha árbore mentres facía unha poda nunha zona de monte na parroquia de Rubiós.
Deste xeito, ata o lugar acudiron os profesionais de Urxencias Sanitarias de Galicia-061, pero, desafortunadamente, soamente puideron confirmar o seu falecemento. O equipo médico contou co apoio dos axentes da Garda Civil. Ademais, por se fose necesaria a súa colaboración, desde o 112 pasouse aviso aos Bombeiros do Porriño e ao GES-SPEIS Ponteareas.