39
- O lume orixinouse nunha pota e afectou á campá extractora dunha vivenda situada na Rúa Oslo
Un home foi trasladado este martes ao Hospital Clínico Universitario da Coruña despois de sufrir queimaduras nunha man ao producirse un incendio na súa vivenda, situada na Rúa Oslo, na cidade da Coruña.
O 112 Galicia tivo constancia dos feitos ás 14:15 horas, a través da chamada de alerta dunha familiar do morador ferido.
A orixe do incendio tivo lugar na cociña do inmoble que, segundo os Bombeiros da localidade, se iniciou nunha pota e afectou á campá extractora.
No operativo traballaron profesionais do 061, o Servizo de Prevención de Incendios e Salvamento, a Policía Nacional e a Local.