Un xuíz imputa a Bartomeu, por pago de comisións en fichaxes, tras unha denuncia de Laporta

Josep Maria Bartomeu, expresidente do Futbol Club Barcelona, foi imputado polo suposto pago de comisións millonarias nas fichaxes de Antoine Griezmann ou Malcom. A investigación dos últimos dous anos froito dunha denuncia presentada polo actual dirixente culé, Joan Laporta, serviu para que o Xulgado de Instrución número 16 de Barcelona le cite en calidade de investigado, xunto a varios dos seus directivos. Na denuncia presentada por Laporta, asegurábase que o expresidente do Futbol Club Barcelona xerou un grave prexuízo económico para as arcas do club. O informe elaborado pola axencia de detectives Kroll situaba as perdas en máis de 30 millóns de euros, ademais de asegurar que a xunta directiva de Bartomeu podería incorrer nos delitos de apropiación indebida, administración desleal e falsidade contable. Xunto a Bartomeu acudirá ao xulgado Óscar Grau, número dous na xunta, e José Ángel González Franco, avogado que interveu na fichaxe de Griezmann procedente do Atlético de Madrid. Nunhas vistas previstas para o próximo 24 de outubro e 4 de decembro, respectivamente. O expresidente blaugrana tamén se atopa involucrado noutro proceso xudicial como consecuencia do Caso Negreira.