Unha colisión dun camión cun turismo en Mazaricos remata cun evacuado en helicóptero

Unha persoa resultou ferida tras chocar co seu coche contra un camión en Mazaricos. O 112 informou que o accidente se produciu na AC-441 ao seu paso polo lugar de Antes, na estrada de Muxía a Santiago, momento no que recibiron chamadas para solicitar axuda. Cando os servizos de emerxencias chegaron ao lugar, o condutor ferido xa estaba liberado, pero necesitou de asistencia médica urxente, polo que un helicóptero desprazouse para a súa evacuación e traslado ao hospital de Santiago.