Ocorreu na N-VI, nunha zona de concesionarios e en sentido O Temple. O 112 Galicia recibiu o aviso sobre este accidente a través da chamada dun particular: acababa de observar como un coche chocaba contra un farol. Xa durante esta conversa apuntou que a situación semellaba de gravidade, pois a muller, única implicada, era incapaz de abandonar o seu vehículo.
De feito, naquel momento había xente intentando sacala ao exterior, sen éxito.
Rápidamente, desde o Centro Integrado de Atención ás Emerxencias solicitouse a intervención de Urxencias Sanitarias de Galicia-061, dos Bombeiros de Arteixo, do Servizo de Emerxencias de Oleiros, da Garda Civil de Tráfico, dos servizos de mantemento da estrada e dos técnicos da empresa encargada do tendido eléctrico na zona.
Unha vez no punto, os efectivos do Servizo de Emerxencias de Oleiros solicitaron o corte da electricidade para poder proceder con total seguridade. Acto seguido, excarceraron á muller, que foi evacuada ao hospital.