O Xirona FC puxo fin a boa racha vitoriosa do Deportivo, ao equilibrar no último cuarto de hora a vantaxe de 2 goles do equipo coruñés, nun encontro marcado polas cuestionadas e cuestionables decisións tomadas polo árbitro andaluz Figueroa Vázquez.
Figueroa Vázquez reviviu vellas pantasmas de arbitraxes nefastas para o Deportivo nun partido ante o Xirona FC no que o colexiado se converteu no principal protagonista. A parroquia deportivista despediu ao cadrelo no descanso, aínda gañando o equipo branquiazul, cunha sonora pitada, que se duplicou ao final do partido tras o empate visitante.
Cabe sinalar como curiosidade que o árbitro andaluz só dirixiu 2 partidos ao equipo deportivista esta tempada, casualmente os 2 disputados fronte ao Xirona FC.
Con este empate, o Deportivo deixa a súa serie de vitorias consecutivas en 7 e suma 34 puntos, 5 por encima da zona de descenso e a 6 da zona de playoff, á espera dos resultados definitivos dos demais equipos.