Unha nena de 3 anos falece nunha piscina en Nigrán


Unha nena de tres anos faleceu na tarde deste luns na parroquia de Camos, en Nigrán, tras ser rescatada da auga nunha piscina dun domicilio privado. Ata o lugar do suceso acudiron os servicios de emerxencia que, pese aos esforzos, nada puideron facer por salvarlle a vida e faleceu no lugar do accidente.

Segundo puido saberse, a nena fora a xogar a unha casa duns veciños en Camos. Nun momento dado, por circunstancias que se descoñecen, a menor acabou caéndose dentro da piscina, que estaba chea. Cando os adultos se déron conta, a nena xa tragara auga e asfixiouse, e os intentos por salvala resultaron inútiles. Tamén os que realizaron a continuación os especialistas en Urxencias tras activarse a alerta do 112 Galicia. Pouco despois das dez da noite fíxose o anuncio da morte, que conmocionou a toda a parroquia, dado que os seus pais son moi coñecidos na zona.