39
Unha moza morreu e outras dúas quedaron atrapadas nun coche que caeu a un regato desde a ponte de Regueira do Aceval. Ao lugar desprazáronse unidades de Emerxencias Sanitarias de Galicia, bombeiros de Ponteareas e do Baixo Miño e axentes da Garda Civil.
As tarefas de rescate foron complicadas polo difícil acceso ao vehículo. No coche viaxaban 3 mozas viguesas de 31 anos.
O vehículo saiu da estrada no lugar coñecido como o Pozo Negro sobre as 5 da tarde deste sábado. Estiveron case dúas horas berrando para pedir auxilio ata que as escoitaron unha familia que pasaba pola zona e avisou ao 112. A falecida é a moza que ía na parte traseira. A condutora e a acompañante foron trasladadas ao hospital Alvaro Cunqueiro.