Trátase dunha praga de eirugas que devoran as follas do millo. Non ataca todas as leiras por igual pero nas que entra, arrasa. Detectáronse ataques por toda Galicia, con maior presenza na provincia da Coruña.
Primeiro foi o verme gris, que ataca a planta máis nova e que obrigou a resementar moitas leiras ao comezo da campaña. Agora, co millo xa medrado e a piques de ensilarse, está a ser devorado por un verme defoliador que come a folla e toda a parte verde da planta do millo. Estanse a rexistrar ataques por toda Galicia, pero especialmente pola provincia da Coruña.
Os ataques non son xeneralizados, afectaron máis determinadas parcelas, pero nas que o verme entra, arrasa. O tipo de eiruga defoliadora que esta a atacar o millo este ano é unha especie orixinaria de Norteamérica e leva presenta en Galicia desde hai varias décadas, pero nunca se viu tanta propagación coma a deste ano. Este avance da fauna desta ouruga e da súa reproducción pódense dar polas altas temperaturas da primavera, que fixo que se reproducise antes e dunha forma máis agresica.
A altura do millo agora, a piques de recollerse, dificulta calquera tipo de tratamento. Nalgúns lugares están a optar por facer sulfatados perimetrais para tentar evitar que o verme entre nas plantacións. Polo momento é difícil calcular a superficie afectada, nun ano que estaba a ser moi bo para o crecemento do millo forraxeiro na maior parte do territorio galego.