Unha protesta de mulleres reclama o seu dereito á educación e ao emprego en Afganistán


Un grupo de mulleres afgás desafiou ao medo que infunden os amos de Afganistán manifestándose de novo este domingo en Cabul. Con esta marcha de apenas dez minutos denunciaron a eliminación dos seus dereitos por parte dos talibáns. En Cabul só se permitirá volver ao traballo a aquelas mulleres “que sexan necesarias ou estean en postos que os homes non poidan ocupar ou que non sexan para homes”, segundo Molavi Hamdullah Nomani, o talibán que ocupa o cargo de alcalde de Cabul. As demais mulleres terán que “quedarse na casa”, e serán indemnizadas segundo sinalou en rolda de prensa.