Unha veciña de Ferrol entrega un sobre que atopou con máis de mil euros


Un sobre cunha cantidade algo superior aos mil euros foi atopado por unha veciña nunha rúa do barrio ferrolán de Canido. Lonxe de quedar cos cartos, a muller entregounos nas dependencias da Policía Local. Os veciños do barrio de Canido din que eles tamén farían o mesmo e entregarían o diñeiro. Pero tamén hai algún que amosa as súas dúbidas. A Policía Local de Ferrol agarda que apareza o propietario ou propietaria, os cartos permanecerán en custodia policíal durante dous anos. Se nese tempo non aparece o dono, o diñeiro seralle entregado á persoa que o atopou.