Unha vertedura de gasoil afectou a varias rúas do centro urbano de Carballo

A incidencia foi comunicada por Emerxencias ás 14:00 horas deste domingo. Varios veciños deron a voz de alarma sobre unha vertedura inusual dun líquido – aparentemente gasoil- en varias rúas do centro urbano, en concreto a Vázquez de Parga, Andorra e Portugal, foron as máis afectadas. Para facerlle fronte á limpeza das manchas de líquido foron mobilizados os Bombeiros de Carballo, tratando de evitar danos colaterais a terceiros. Investígase a procedencia desta vertedura, que puido orixinarse nalgún turismo con algunha deficiencia mecánica, da que o seu propietario probablemente nin conta se deu.