Unha vertedura de xurro na rúa Verdillo obrigou a intervir aos bombeiros de Carballo

Ás 18.30 horas deste mércores os bombeiros de Carballo recibiron o aviso do 112 Galicia dunha vertedura de xurro de varios metros de percorrido na estrada AC-413 á altura do tramo que comunica o centro urbano coas Labradas e Verdillo. Ademais dos bombeiros, foron avisados o persoal de mantemento de estradas e Protección Civil de Carballo despois de que un tractor deixase un regueiro de líquido pola calzada. Tamén foi necesaria a intervención da Policía Local para regular o tráfico e facilitar así o labor dos bombeiros á hora de limpar o carril de circulación afectado pola vertedura.