36
Unha vía de auga obrigou sobre as dez da mañá deste mércores a evacuar a embarcación galega Piedras na zona do Gran Sol, e pouco despois producíase un incendio nos motores. Outros barcos que traballaban na zona acudiron ao rescate dos once tripulantes que quedaron a salvo. Son 11 mariñeiros, galegos, marroquís e ghaneses. Nun primeiro momento, nove dos mariñeiros foron rescatados e quedaron a bordo o patrón e o xefe de máquinas para tratar de salvar o barco, pero este se escorou demasiado e ante a imposibilidade de taponar a vía de auga e ambos tamén foron evacuados. Ás 16:25 horas, tras pasar catro horas escorado e ardendo, o servizo de Gardacostas de Irlanda confirmaba o afundimento do pesqueiro.