- Nadia Otmani, vítima de violencia machista, pediu que non se faga política con este tema
Varias mulleres recibiron este luns ao portavoz de Vox, Javier Ortega Smith, con frases tan rotundas como “O machismo mata. Mátannos por ser mulleres”.
Ortega presentouse durante o acto en conmemoración do Día contra a Violencia de Xénero no salón de actos do palacio de Cibeles e tomou a palabra, pero non defendeu a loita contra este tipo de violencia. Apoiando a idea de que a lei de violencia de xénero “é unha forma de negar a protección de todas as vítimas”, foi apupado por varias mulleres, mentres unha gran maioría tomara a decisión de abandonar o lugar.
Tras escoitalo, Nadia Otmani, presidenta da Asociación Al Amal de axuda a mulleres migrantes maltratadas, encarouse a Ortega e pediu respecto por todas as mulleres que, como ela, foron vítimas de violencia de xénero. Otmani leva nunha cadeira de rodas desde hai 20 anos, cando por defender á súa irmá do seu cuñado recibiu tres disparos.
Para a presidenta da Asociación Al Amal, é unha vergoña o que está a ocorrer e pediu que non se faga política con este tema tan grave.