- Sinalan que a empresa portuguesa estaría obrigando ás granxas a darse de baixa da organización de produtores ULEGA con fins comerciais
A organización Unións Agrarias (UUAA) denuncia a empresa portuguesa Leche Celta polo trato que está dispensando aos gandeiros de Galicia durante este confinamento. Desde UUAA sinalan que todas as empresas lácteas que operan na comunidade galega adiaron dous meses as negociacións de prezos e contratos ata que se supere a crise social do coronavirus. Todas, excepto Leite Celta.
Nun comunicado na páxina web de UUAA ponse de manifesto que Leche Celta, sabendo que non é posible reunirse para manter un diálogo, «pretende aproveitarse miserablemente respecto doutras firmas para impoñer as súas prácticas mafiosas nas explotacións que lle entregan o leite». Segundo UUAA, a empresa portuguesa chegaría a obrigar ás granxas a darse de baixa da organización de produtores ULEGA «para impedir a futuro que poidan negociar de xeito conxunto a venta da súa produción».
Os servizos xurídicos de Unións Agrarias están estudiando emprender accións xudiciais contra Leche Celta por atacar o dereito de asociación dos produtores en base ás ameazas que están trasladando os seus transportistas de suspender a recollida do leite senón marchan de ULEGA.