O secretario xeral do PSdeG-PSOE, Valentín González Formoso, presidiu a primeira reunión da Comisión Executiva Nacional Galega -CENG- logo do 14 Congreso dos socialistas galegos.
González Formoso puxo como obxectivo prioritario establecer un fluxo de traballo “á vangarda das propostas e solucións” de utilidade para o país, que comezou coa primeira toma de contacto para “ordenar prioridades” e comezar a traballar dende o PSdeG-PSOE.
O responsable socialista sinalou que o partido concluíu o Congreso “máis forte do que estaba”, e sinalou que a nova Executiva comeza a súa andaina coa vista posta nas próximas eleccións municipais, para as que “temos que poñer toda a maquinaria e o talento do partido a punto para conformar proxectos nos 313 concellos de Galicia”. Uns proxectos, dixo, “que conecten cos destinatarios, que é a cidadanía galega”.