42
Un tiroteo na cidade holandesa de Dordrecht, situada ao sur do país, a 20 quilómetros de Róterdan, provocou varias vítimas. Segundo a policía, que despregou un amplo operativo na zona, aínda non están claras as circunstancias nas que se produciron os feitos. Algúns medios locais falan de tres vítimas mortais. A investigación segue o seu curso. O alcalde de Dordrecht, Wouter Kolff, confirmou mediante unha mensaxe difundida nunha rede social que houbo “un incidente moi grave” nunha zona residencial desta localidade próxima ao porto de Róterdan. O autor sería un policía que dispararía contra membros da súa familia e logo suicidouse, segundo o rotativo holandés ‘De Telegraaf’.