Axentes da Garda Civil de Lugo detiveron 10 persoas dunha organización delituosa asentada en Galicia e Castela-A Mancha. A organización dedicábase a estafar mediante a venda de autocaravanas que en principio non posuían.
Solicitábanlles ás vítimas un adianto económico para a reserva e unha vez cobrado rompían o contacto con elas. No marco da denominada operación Benimary bloqueáronse 22 contas bancarias creadas para cobrar os cartos das estafas e recuperáronse 5 vehículos valorados en 160.000 euros cos que a organización se fixera, previo alugueiro en empresas do sector, para proceder logo á súa venda fraudulenta.