Varios detidos tras unha protesta de Greenpeace na planta de gas de Reganosa en Mugardos

Polo menos 12 persoas foron detidas tras a instalación dunha pancarta na planta de gas de Reganosa, no municipio coruñés de Mugardos, por parte de activistas da organización ecoloxista Greenpeace.

Denuncian a dependencia española do gas, causante, din, da suba do prezo da enerxía e de problemas climáticos. Tamén esixen que os gobernos fagan máis ao respecto.

Poñen o foco no executivo español: acúsano de presumir de compromisos contra a crise climática, sen traballar nun plan de abandono dos combustibles fósiles que protexa as persoas, segundo argumenta a asociación ecoloxista.